МОЛИТВА
О прехвальный и пречудный пророче Божий Илия, просиявый на земле равноангельским житием твоим, пламеннейшею ревностью по Господу Бозе Вседержителе. Услыши нас, грешных и непотребных, в час сей предстоящих пред твоею святою иконою и усердно прибегающих к ходатайству твоему. Моли о нас Человеколюбца Бога, да подаст нам дух покаяния и сокрушения о грехах наших. И всесильною Своей благодатью да помощет нам оставить пути нечестия, преуспевати же во всяком деле блазе. Да укрепит нас в борьбе со страстьми и похотьми нашими. Да всадит в сердце наше дух смирения и кротости, дух братолюбия и незлобия, дух терпения и целомудрия, дух ревности к славе Божией и спасению ближних.