Тропари святителю Николаю, архиепископу Мир Ликийскому
<FONT color=#613a35>
Тропарь, глас 4
<FONT color=#613a35>
Правило веры и образ кротости, воздержания учителя яви тя стаду твоему яже вещей истина: сего ради стяжал еси смирением высокая, нищетою богатая. Отче священноначальниче Николае, моли Христа Бога спастися душам нашым.

<FONT color=#613a35>
Кондак, глас 3
<FONT color=#613a35>
В Мирех, святе, священнодействитель показался еси: Христово бо, преподобне, Евангелие исполнив, положил еси душу твою о людех твоих, и спасл еси неповинныя от смерти; сего ради освятился еси, яко великий таинник Божия благодати.

<FONT color=#613a35>
Тропарь на перенесение мощей святителя и чудотворца Николая, архиепископа Мир Ликийских
Тропарь, глас 4
<FONT color=#613a35>
Приспе день светлаго торжества, град Барский радуется, и с ним вселенная вся ликовствует песньми и пеньми духовными: днесь бо священное торжество, в пренесение честных и многоцелебных мощей Святителя и Чудотворца Николая, якоже солнце незаходимое возсия светозарными лучами, разгоняя тьму искушений же и бед от вопиющих верно: спасай нас яко предстатель наш, великий Николае.

<FONT color=#613a35>
Кондак, глас 3
<FONT color=#613a35>
Взыдоша, яко звезда, от востока до запада твоя мощи, святителю Николае, море же освятися шествием твоим, и град Барский приемлет тобою благодать: нас бо деля явился еси, чудотворец изящный, предивный и милостивый.

<FONT color=#613a35>
Величание
<FONT color=#613a35>
Величаем тя, святителю отче Николае, и чтим святую память твою: ты бо молиши за нас Христа Бога нашего.