Есть желающие читать Псалтирь о усопших?

[Овченкова]

О усопших
Помяни, Господи, от жития сего отшедшия правоверныя цари и царицы, благоверныя князи и княгини, святейшия патриархи, преосвященныя митрополиты, архиепископы и епископы православныя, во иерейстем же и в причте церковнем, и монашестем чине Тебе послужившия, и в вечных Твоих селениих со святыми упокой. (Поклон.) Помяни, Господи, души усопших рабов Твоих, родителей моих (имена их), и всех сродников по плоти; и прости их вся согрешения вольная и невольная, даруя им Царствие и причастие вечных Твоих благих и Твоея безконечныя и блаженныя жизни наслаждение. (Поклон) Помяни, Господи, и вся в надежди воскресения и жизни вечныя усопшия, отцы и братию нашу, и сестры, и зде лежащия и повсюду, православныя христианы, и со святыми Твоими, идеже присещает свет лица Твоего, всели, и нас помилуй, яко Благ и Человеколюбец. Аминь. (Поклон) Подаждь, Господи, оставление грехов всем прежде отшедшим в вере и надежди воскресения, отцем, братиям и сестрам нашим и сотвори им вечную память. (Трижды)

[Овченкова]

Родителей за усопших детей своихГосподи Иисусе Христе, Боже наш, Владыко живота и смерти, Утешителю скорбящих! С сокрушенным и умиленным сердцем прибегаю к тебе и молю Ти: помяни, Господи, во Царствии Твоем, усопшаго раба Твоего (усопшую рабу), чадо мое (имя) и сотвори ему (ей) вечную память. Ты, Владыка живота и смерти, даровал еси мне чадо еси, Твоей же благой и премудрой воле изволися и отъяти е у меня Буди, благословенно имя Твое, Господи. Молю Тя, Судие неба и земли, бесконечною любовию Твоею к нам, грешным, прости, усопшему чаду моему, все согрешения его, вольные и невольные, яже словом, яже делом, яже ведением и неведением. Прости, милостиве, и наша родительская согрешения, да не прибудут они на чадах наших: всем, яко множицею согрешихом пред Тобою, множицею не соблюдохом, не сотворихом, якоже заповедовал еси нам. Аще еже усопшее чадо наше, нашея или своея ради вины, бяше в житии сем, работая миру и плоти своея, и непаче Тебе, Господу и Богу своему; аще возлюби прелести мира сего, а не паче слово Твое и заповеди Твоя; аще предавшеся сластем житейским, а не сокрушению о гресех своих, и в своем невоздержании бдения, пост и молитву забвению предаше, - молю Тя усердно, прости, преблагий Отче, чаду моему (имя) вся таковая прегрешения его (ее) (имя), прости, ослаби, аще и ино злое сотвори в житии сем, Христе Иисусе. Ты воскресил еси дщерь Иаида по вере и молитве отца ея, Ты исцелил еси дщерь жены - хананеянки по вере и прошению матери ею: услыши убо и молитву мою, не презри и моления моего о чаде моем (имя). Прости, Господи, прости все согрешения его (ее), и прости и очисти душу его (ее), изми муки вечныя и всели е со всеми святыми Твоими, от века благоугодившими Тебе, ижде несть болезнь, ни печаль, ни воздыхание, но жизнь безконечная: яко несть человек, иже жив будет и не согрешит. Тя един без греха: и егда имати судите мирови, да услышит и чадо мое превожделенный глас Твой: приидите благосовении Отца Моего, и последуйте уготованное вам Царствие от сложения мира. Яко ты еси Отец милостей и щедрот, Ты живот и воскрешение наше, и тебе славу воссылаем Отцем и Святым Духом, ныне и присно, и во веки веков. Аминь.

[Овченкова]

Молитва за всякого усопшего Помяни, Господи Боже наш, в вере и надежде живота вечнаго преставившегося раба Твоего, брата нашего (имя), и яко Благ и Человеколюбец, отпущаяй грехи и потребляяй неправды, ослаби, остави и прости вся вольная его согрешения и невольная, избави его вечныя муки и огня геенскаго, и даруй ему причастие и наслаждение вечных Твоих благ, уготованных любящим Тя: аще бо и согреши, но не отступи от Тебе, и несумненно во Отца и Сына и Святаго Духа, Бога Тя в Троице славимого, верова, и Единицу в Троице и Троицу во Единстве, православно даже до последняго своего издыхания исповеда. Темже милостив тому буди, и веру, яже в Тя, вместо дел вмени, и со святыми Твоими яко Щедр упокой: несть бо человека, иже поживет и не согрешит. Но Ты Един еси кроме всякого греха, и правда Твоя, правда во веки, и Ты еси Един Бог милостей и щедрот, и человеколюбия, и Тебе славу возсылаем, Отцу и Сыну и Святому Духу, ныне и присно, и во веки веков.